پاکستان مئی خدائے پاٞکہ باٞر سُلوخ کٞھناٞں علاقاٞ پیدا کِیت تے ہاٞرہ علاٞقاٞ مئی تانی جُدا جِب تے ثقافاٞت تھی۔ اِیں پاݪ گاؤری جِباں بٞچ کٞروگیں کیر تُھو۔
گاؤری پاکستانیں دشو ݪی بِیش جِب مئی آٞک تھی۔ ائی پاکستاناٞں شمال مئی خیبر پختونخوا صوباٞں ضلع سوات تے دیر کوستان مئی اوسیدلے ہوگ والہ خلقیں جِب تھی۔
گاؤری کمیونیٹی ڈیویلپمنٹ پروگرام حکومت ما منظور کٞریل اٞ تنظیم تھی۔ اساٞں مقصد پاٞنساں گٞھٹوگ تے سیاسی مقصد حاصل کٞروگ نات۔ اِیں تنظیمہ گاؤری جِب مئی باٞر کتاٞب اِتھائے چاپ کِیت تے دی تحقیق پا جاری تھی۔
گاؤری منصوبہ کاٞلاٞم مئی معصوماٞن کٞہ تے مشراٞن کٞہ تانی جِب مئی تعلیم پا دئینت۔ معصوماٞنیں کیر پنج تے مشراٞنیں کیر دُو سکول فی الحال چٞلنت۔ اِیں تنظیم گاؤری خلق کٞہ تسوں جِب چُنڑوگ تے تحقیق کٞروگ مئی مداٞد تے تربیت پا دِئینت۔ اساں مقصد اِین تُھو اُوں اِیں سُلوخ تے قیمتی ورثہ ختم نہ ہوگ۔
