بالغ جاٞتک تے اِسالیں کیر تعلیماں منصوبہ
کھیکی کھیکی کاٞلاٞم مئی معصوماناٞں تعلیماں پروگرام کامیابی دہ روان تُھو اینچھلہ ای تعلیم ما محروم دٞھراٞل مشران اِسال تے جاٞتکٞہ تنظیم سہ راٞبطاٞ کِیر اُوں تام کہ پا تانی جِب مئی تعلیم پکاٞر تُھو۔ اِیں زریعاٞ دہ مُوں اسکول مئی کاٞں معصوماٞن تُھو تسوں یٞیو بوب پا تعلیم حاصل کاٞ آٞک دہ تانی معصوماٞن سٞہ مداٞد کٞرباٞں تے دی ای پورہ کوڑمہ تعلیم یافتہ ہوباں۔ اِینیں کیر مٞہ کاٞلاٞم مئی دو اسکول گٞڑوت آٞک اِسالیں کیر تے آٞک ای جاٞتکیں کیر۔ ائی اٞ آزمائشی منصوبہ تُھو۔ انشااللّہ مستقبل مئی دی اسکول گٞڑوگاں ارادہ تُھو۔
